സാംസ്കാരിക വകുപ്പിന്റെ കൊല്ലം ശ്രീനാരായണഗുരു സാംസ്കാരിക സമുച്ചയത്തിൽ ദിവസവേതനാടിസ്ഥാനത്തിൽ ജീവനക്കാരെ നിയമിക്കുന്നതിന് യോഗ്യരായവർക്ക് അപേക്ഷിക്കാം. ഇലക്ട്രിഷ്യൻ കം പ്ലംബർ, എ.സി പ്ലാന്റ് ഓപ്പറേറ്റർ, ഇലക്ട്രോണിക്സ് ടെക്നീഷ്യൻ, ഗാർഡനർ എന്നീ തസ്തികകളിൽ ഒഴിവുകളുണ്ട്. അപേക്ഷകന്റെ പ്രായപരിധി 50 വയസാണ്, എന്നാൽ എഴുത്തു പരീക്ഷയുടെയും ഇന്റർവ്യൂവിന്റെയും അടിസ്ഥാനത്തിൽ തെരഞ്ഞെടുപ്പ് നടക്കും.
അപേക്ഷകൾ പൂരിപ്പിച്ച് ആഗസ്റ്റ് 31-നകം സാംസ്കാരിക വകുപ്പധ്യക്ഷ കാര്യാലയം, അനന്തവിലാസം കൊട്ടാരം, ഫോർട്ട് പി.ഒ, തിരുവനന്തപുരം – 23, എന്ന വിലാസത്തിൽ ലഭ്യമാക്കണം.
വിശദമായ യോഗ്യതകൾ:
- ഇലക്ട്രിഷ്യൻ കം പ്ലംബർ: ഇലക്ട്രിക്കൽ എൻജിനിയറിങ്ങിലുള്ള ഡിപ്ലോമ അല്ലെങ്കിൽ ഐ.റ്റി.ഐ സർട്ടിഫിക്കറ്റ് കോഴ്സ്; പ്ലംബിംഗ്, ഇലക്ട്രിക്കൽ ജോലികളിൽ പരിചയം.
- എ.സി പ്ലാന്റ് ഓപ്പറേറ്റർ: മെക്കാനിക്കൽ ഡിപ്ലോമ അല്ലെങ്കിൽ ഐ.റ്റി.ഐ സർട്ടിഫിക്കറ്റ് കോഴ്സ്; റഫ്രിജറേഷൻ ആൻഡ് എയർ കണ്ടീഷനിങ്ങിൽ പ്രവൃത്തി പരിചയം.
- ഇലക്ട്രോണിക്സ് ടെക്നീഷ്യൻ: ഇലക്ട്രോണിക്സ് എൻജിനിയറിങ്ങിലുള്ള ഡിപ്ലോമ അല്ലെങ്കിൽ ഐ.റ്റി.ഐ സർട്ടിഫിക്കറ്റ് കോഴ്സ്; ഇലക്ട്രോണിക്സ് ജോലികളിൽ പരിചയം.
- ഗാർഡനർ: 7-ാം ക്ലാസ് വിദ്യാഭ്യാസ യോഗ്യത; ഗാർഡനിങ്ങിൽ ഒരു വർഷ പ്രവൃത്തി പരിചയം.
കൂടുതൽ വിവരങ്ങൾക്ക്: 0471–2478193, ഇ-മെയിൽ: culturedirectoratec@gmail.com.